Qeveria e Australisë ka vendosur sanksione ekonomike kundër 14 kompanive dhe organizatave ruse për situatën në Ukrainë, tha të enjten Departamenti i Punëve të Brendshme të Australisë.
Nën sanksionet e Australisë janë vwnw kompanitë e karburantit dhe energjisë Gazprom, Gazprom Neft dhe Transneft, prodhuesi i kamionëve Kamaz, kompania e minierave të diamanteve Alrosa, kompania Holding Ruselectronics, Rostelecom, kompania hidroelektrike RusHydro, United Shipbuilding Corporation (USC), Sevmash, operatori i anijeve Sovomflot, Porti Detar Tregtar Novorossiysk, kompania e sigurimeve Sogaz dhe zyra e rezervimit të udhëtimeve hekurudhore të kompanisë kombëtare të udhëtimit Visit Russia.
Deri më tani, Australia ka vendosur sanksione kundër më shumë se 500 qytetarëve rusë dhe bjellorusë, duke përfshirë Presidentin Vladimir Putin të Rusisë dhe Alexander Lukashenko të Bjellorusisë, raporton Tass.
Sanksionet ekonomike, duke përfshirë ndalimin e eksporteve të armëve, lëndëve të para dhe pajisjeve për prodhimin e naftës dhe gazit dhe ndalimin e importeve të burimeve ruse të energjisë, armëve dhe komponentëve, u vendosën kundër kompanive dhe organizatave më të mëdha ruse.
Më 24 shkurt, Presidenti rus Vladimir Putin njoftoi një operacion të posaçëm ushtarak në përgjigje të një kërkese për ndihmë nga krerët e republikave të Donbasit. Ai deklaroi se Moska nuk kishte plane për të pushtuar territoret ukrainase, por synonte të çmilitarizonte dhe denazizonte vendin.
Pas këtij hapi, Shtetet e Bashkuara të Amerikës, Bashkimi Europian, Mbretëria e Bashkuar dhe disa vende të tjera njoftuan sanksione kundër individëve dhe personave juridikë të Rusisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
