Partitë shqiptare dënuan ashpër fjalorin e zyrtarëve të VMRO DPMNE-së dhe brohoritjet e mbështetësve të kësaj partie para KSHZ-së. Për BDI-në e Ahmetit, këto presione nuk ndihmojnë në përmbylljen e krizës politike në vend. Në reagimin me kësaj partie thuhet se “Presionet propaganduese politike partiake siç po bëjnë partitë politike maqedonase apo të etnive tjera, nuk e ndihmojnë procesin dhe mbylljen e krizës”.
Për Lëvizjen Besa, zhargoni i fjalëve që kanë përzgjedhur zyrtarët e VMRO DPMNE-së në protestën e mbrëmshme, nuk çon drejt qetësimit të raporteve ndëretnike, por vetëm i përkeqëson ato.
Përfaqësuesit e lëvizjes BESA përsërisin qëndrimin se janë kundër bashkëpunimit me lidershipin aktual të VMRO DPMNE-së.
Edhe përfaqësuesi i “Aleancës për Shqiptarët” Arban Balliu në deklaratat e fundit të zyrtarëve të VMRO DPMNE-së sheh nacionalizëm të thellë dhe përjashton çdo lloj bashkëpunimi me këtë subjekt politik.
Nga PDSH-ja nuk deshën të komentojnë për fjalorin e mbrëmshëm të zyrtarëve të VMRO DPMNE-së dhe brohoritjeve të mbështetësve para ndërtesës së KSHZ-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
