Nesër në bashkinë e Himarës votohet për krybashkiakun e ri dhe sot Himara është në heshtje zgjedhore.
Në garë janë Vangjel Tavo nga Partia Socialiste dhe Petro Gjikuria nga Partia Demokratike, të dy pjesë e minoritetit grek.
23 mijë e 74 qytetarë të Himarës, do të zgjedhin nesër mes të dyve.
Ndërkohë, dje në Himarë ishte i pranishëm edhe kryeministri Edi Rama dhe i dërguari politik Blendi Klosi, në mbështetje të Tavos.
Nga ana tjetër, Sekretari i Përgjithshëm i Partisë Demokratike, Flamur Noka dhe deputeti Agron Gjekmarkaj, kanë shkuar në mbështetje të Gjikurisë
Më 12 korrik Komisioni Qendror i Zgjedhjeve vendosi që t’i hiqte përfundimisht mandatin e kryebashkiakut të Himarës Fredi Belerit, në prani të tij, i cili u shoqërua në ambientet e KQZ me policë.
Pas vendimit të KQZ, presidenti Bajram Begaj dekretoi datën 4 gusht si ditën kur do të mbahen zgjedhjet e reja.
Himara ka ndërruar disa kryebahskiakë gjatë kësaj periudhe kohore. Pas arrestimit të Belerit, vendin e mbajti paraardhësi i tij, Jorgo Goro, por edhe ky i fundit përfundoi në pranga nga SPAK.
Në këto kushte, me dy kryetarë në burg, Bashkia e Himarës u drejtua fillimisht nga nënkryetarja Blerina Bala, e cila më pas u dorëhoq dhe aktualisht Bashkia drejtohet nga Arqile Bollano.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
