Çdo ditë, 301 fëmijë dhe adoleshentë (0-19 vjeç) vdesin nga shkaqe të lidhura me SIDA-n dhe 850 infeksione të reja ndodhin në të njëjtën grupmoshë.
Pavarësisht se përfaqësojnë vetëm 7% të të gjithë njerëzve që jetojnë me HIV, fëmijët dhe adoleshentët përbëjnë 17% - ose 110 000 - të të gjitha vdekjeve të lidhura me SIDA dhe 21% - ose 310 000 - të infeksioneve të reja nga HIV në vitin 2021.
Globalisht, rreth tre të katërtat (77%) e infeksioneve të reja tek adoleshentët ndodhin tek vajzat. Këto janë të dhënat nga raporti i UNICEF-it, “Adresimi i pabarazive në reagimin global. Fëmijët, adoleshentët dhe SIDA në 2022”, i lançuar me rastin e Ditës Botërore të SIDA-s.
Shumica e vdekjeve nga SIDA tek fëmijët - shpjegon Unicef - kanë ndodhur në Afrikën Lindore dhe Jugore (47% e totalit) dhe në Afrikën perëndimore dhe qendrore (39% e totalit). Në Afrikën Sub-Sahariane, HIV mbetet shkak kryesor i vdekjeve tek adoleshentët, kryesisht për shkak të vonesës në identifikimin dhe trajtimin e sëmundjes. Sipas vlerësimeve globale të vitit 2021, vetëm 878 000 nga 1.68 milionë fëmijë nën 15 vjeç me HIV në mbarë botën kanë marrë trajtim antiretroviral, që përfaqëson mbulimin 52%.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
