Venecia do të fundoset e gjitha në ujë deri në vitin 2150 bëjnë të ditur shkencëtarët italianë pas një studimi të fundit.
Pavarësisht ekzistencës së një sistemi pengesash për parandalimin e përmbytjeve duket se as këto nuk do të mjaftojnë për mbrojtjen e qytetit nga fundosja e vazhdueshme që vjen si pasojë e rritjes së nivelit të detit.
Sipas shkencëtarëve të Institutit Kombëtar të Gjeofizikes dhe Vullkanologjisë në të ardhmen sheshi më i famshëm i Venecias Piazza San Marco do të jetë 70 centimetër nën ujë.
Ndërsa pjesa perëndimore e qytetit po ashtu pritet të jetë një ndër zonat më të prekura e cila në harkun kohor të katër viteve është përmbytur mbi 58 herë.
Rritja e nivelit të detit, po çon drejt një erozioni gjithnjë e më të shpejtë. Për pasojë ky fenomen po shoqërohet me ndikime tejet të rëndësishme mjedisore dhe socio-ekonomike për popullsinë.
Megjithatë pyetja që shtrohet aktualisht është se si ky qytet të mbrohet nga një fenomen i tillë. Edhe pse deri më tani çdo zgjidhje e ofruar cilësohet si afatshkurtër. Megjithatë një grup studiuesish mjedisor nga Universiteti i Padovas po penojnë intensivisht për gjetjen e një mekanizmi që do të ofronte mbrojtje për Venecian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
