Kërkesa për mocionin e mosbesimit të qeverisë malazeze është firmosur sot. E propozuar nga Lëvizja Ura dhe zv.kryeministri Abazoviç, kjo kërkesë pritet të shqyrtohet nga Parlamenti i Malit të Zi.
Në një intervistë në studion e MCN TV, përmes Skype, gazetari Ismet Kallaba analizoi zhvillimet politike që i paraprinë kësaj kërkese, e cila sipas tij mund t’i hapë rrugën shqiptarit Dritan Abazoviç drejt kreut të qeverisë.
Është një eksperiment që ndodh në Mal të Zi. Nuk ka pasur diçka të tillë më parë. Është diçka e imponuar për shkak të krizës dhe ngërçit politik që po kalon Mali i Zi.
Abazoviç dhe Lëvizja Ura gëzojnë edhe mbështetjen e bashkësisë ndërkombëtare dhe ky është argumenti kryesor që na bën të mendojmë se ai mund të jetë kryeministri i ri i Malit të Zi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
