Po vjen fëmija i parë mbretëror për princin e kurorës Hussein II të Jordanisë dhe gruan e tij, princeshën e bukur me origjinë saudite, Rajwa Khaled Al-Seif.
Lajmi për shtatzëninë e parë të arkitektes 29-vjeçare, u bë e ditur zyrtarisht nga një deklaratë e familjes mbretërore e cila u publikua menjëherë në kanalet e rrjeteve sociale të familjes mbretërore.
“Oborri Mbretëror Hashemite është i kënaqur të njoftojë se Lartësitë e tyre Mbretërore, Princi i Kurorës Al Husein bin Abdullah II dhe Princesha Rajwa Al Hussein, janë në pritje të fëmijës së tyre të parë këtë verë”, thuhet në njoftim.
Data e pritshme e ngjarjes së lumtur nuk është specifikuar më tej, por mediat e botës arabe tashmë janë të rrëmbyera dhe po ndajnë foto të çiftit, një nga më të përfolurit e momentit pas ceremonisë spektakolare të martesës, qershorin e kaluar, i cili tërhoqi vëmendjen e të gjithë botës.
Një dasmë përrallore, e kremtuar në Pallatin historik Zahran në Aman, ku morën pjesë një përfaqësi e madhe e krerëve të kurorëzuara arabe dhe perëndimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
