E parë nga jashtë, jeta e kampionit botëror të golfit Tiger Woods është më shumë si ajo e një personazhi të trilluar: aftësia me të cilën ai mësoi të përdorë shkopin e golfit në moshën tetë muajsh, marrëdhënia e privilegjuar me babanë e tij, mësuesi dhe miku më i mirë, fitoret, ritmet e papara të punës, beteja për t’i bërë të mundur komunitetit me ngjyrë të hyjë jo vetëm me të drejtë, por edhe në fakt, për të luajtur në fusha golfi dhe për të fituar.
Dokumentari me dy episode “Tiger Woods” do të transmetohet në Sky Documentaries dhe tregon anën tjetër të medaljes në jetën e kampionit, por mbi të gjitha të njeriut Tiger. Historia nis që në fëmijëri, kur ai ishte thjesht një djalë i vogël ende pa vetëdijen se do të shndërrohej në simbol, markë, projekt dhe një makinë për të bërë para.
Dashuria e parë e Tiger, Dina Parr; Rachel Uchitel, gruaja në qendër të skandalit seksual që ndryshoi botën e tij përgjithmonë, thyen heshtjen e saj për herë të parë - rindërton rrugën e përpjetë të një talenti të madh, i cili me të vërtetë i dha gjithçka golfit ndërsa bota, siç bën shpesh me personazhe të tilla, shijon spektaklin e ngritjes dhe rënies së tij. Papritur, forca e pabesueshme e Tiger e lejon atë të rindërtojë jetën e tij personale në marrëdhëniet me fëmijët e tij dhe profesionalisht, me një kthim legjendar dhe të papritur sportiv, duke kulmuar në fitoren e tij në Masters 2019.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
