Maqedonia e Veriut ka regjistruar bilancin më të rëndë që nga paraqitja e koronavirusi duke shënuar 5 viktima të reja.
Me këtë numri i vdekurve ka arritur në 17.
Sipas njoftimit të Ministrisë së Shëndetësisë, 2 persona kanë ndërruar jetë në Kumanovë dhe nga 1 në Shkup, Strugë dhe Veles.
Dy prej tyre kishin vdekur para dy ditëve, por rezultatet e kryera gjatë ditës së shtunë kanë treguar se ata ishin të infektuar me COVID-19.
Nga 414 teste të kryera për koronavirus, 53 kanë rezultuar pozitiv duke e çuar numrin e të infektuarve në 483 persona.
Më së shumti të infektuar janë regjistruar në Shkup 13 pastaj në Strugë 14, në Kumanovë 8 dhe të tjerët nëpër qytetet tjera.
Deri më tani në nivel të shtetit janë kryer 4920 teste kurse 20 persona janë shëruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
