Me 76 vota pro dhe 6 kundër, Afrim Gashi është zgjedhur kryetar i Kuvendit të Republikës së Maqedonisë së Veriut.
Në fjalën e tij pas marrjes së detyrës Gashi falënderoi të zgjedhurit e popullit për besimin e dhënë dhe tha se do të garantojë të drejtën e qëndrimit dhe fjalës personale si për deputetët e qeverisë ashtu edhe për ata nga opozita.
Gashi ishte propozuar për postin e kryetarit të Kuvendit nga koalicioni i partive shqiptare VLEN, por ka mbështetjen edhe të VMRO DPMNE-së, partisë fituese të zgjedhjeve parlamentare.
Gashi dha dorëheqjen si kryetar i partisë Alternative, pas nominimit të tij për kryetar të Kuvendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
