Hidhet shorti, ja kush janë 9 anëtarët e Këshillit të Emërimeve në Drejtësi

Shorti ka përcaktuar sot anëtarët e Këshillit të Emërimeve në Drejtësi. Nëntë anëtarët e KED u përzgjodhën me short në Kuvend, nga lista që kanë dërguar katër insitucionet kryesore të drejtësisë. I pranishëm gjatë hedhjes së shortit ishte dhe kryetari i Kuvendit, Ilir Meta, dhe përfaqësues të disa institucioneve.

Gjykata Kushtetuese, Gjykata e Lartë, Këshilli i Lartë i Drejtësisë dhe Prokuroria e Përgjithshme kanë dorëzuar 52 propozimet e tyre, mes të cilëve u përzgjodhen 9 anëtarët e Këshillit të Emërimeve në Drejtësi. Ata do t’i nënshtrohen vetingut fillimisht dhe më pas do të nisin të ushtrojnë funksionet e tyre.

Anëtarët e përzgjedhur

Vladimir Kristo nga Gjykata Kushtetuese

Besnik Imeraj nga Gjykata Kushtetuese

Mirela Fana  nga Gjykata e Lartë

Rovena Gashi  nga Prokuroria e Pergjithshme

Brikena Ukperaj, Lubonja nga Gjykata e Apelit

Ervin Metalla nga Gjykata e Apelit

Gentian Trenova nga zyrat e prokurorisë pranë Gjykatave të Apelit

Fatjona Mencaj nga zyrat e prokurorisë pranë Gjyaktave të Apelit

Kastriot Selita nga Gjykata Administrative.