Liderë të vendeve më të rëndësishme të Europës, dhe jo vetëm, kanë shprehur ngushëllimet e tyre për Papa Françeskun.
"Mendimet e mia shkojnë për të gjithë ata që e ndiejnë këtë humbje të thellë. Le të gjejnë ngushëllim në dijeninë se trashëgimia e Papa Françeskut do të vazhdojë të na udhëheqë të gjithëve drejt një bote më të drejtë, paqësore dhe më të dhembshur”, shkroi në “X” Presidentja e Komisionit të BE-së, Ursula von der Leyen.
"Me pikëllim të madh mësova për ndarjen nga jeta të Shenjtërisë së Tij Papa Françeskut. Kur u takuam së fundmi në Romë, falënderova Papa Françeskun për udhëheqjen e tij të fortë në mbrojtjen e më të cenuarve dhe mbrojtjen e dinjitetit njerëzor. I shpreh ngushëllimet e mia të gjithë katolikëve në mbarë botën", shkroi në rrjetet sociale Përfaqësuesja e Lartë e BE-së Kaja Kallas .
Presidenti francez Emmanuel Macron shprehu "ngushëllime për katolikët në mbarë botën" dhe komentoi: "Nga Buenos Aires në Romë, Papa Françesku donte që Kisha të sillte gëzim dhe shpresë për më të varfrit. Të bashkojë njerëzit me njëri-tjetrin dhe me natyrën. U ringjalltë gjithmonë kjo shpresë përtej tij."
Një njeri, veprimet e të cilit udhëhiqeshin nga "përulësia dhe besimi", kështu e kujton kancelari gjerman Friedrich Merz Papa Françeskun.
Kryeministri spanjoll Pedro Sanchez shprehu dhimbjen e tij të thellë për vdekjen e Papa Françeskut. "Angazhimi i tij për paqen, drejtësinë sociale dhe më të cenuarit lë një trashëgimi të thellë," shkruan Sanchez në një mesazh në X. "U prehtë në paqe," shton ai.
"Ngushëllimet e mia më të thella për katolikët e Spanjës dhe në mbarë botën për vdekjen e Shenjtërisë së Tij Papa Françeskut" u shpreh nga Ministri i Jashtëm spanjoll, José Manuel Albares, në emër të qeverisë spanjolle në një postim në rrjetet sociale X. Albares kujtoi se
Françesku ishte "një njeri i paqes dhe i dialogut midis kulturave dhe feve". “Pusho në paqe”, përfundon ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
