Ish-deputeti demokrat, Astrit Patozi, thotë se çështja “Tahiri “ tregoi dështimin e maxhorancës, por edhe të opozitës. Në një intervistë në Report TV, Patozi u shpreh se PD-ja dhe kryetari Basha nuk ditën ta shfrytëzojnë këtë çështje në favor të vet.
“Opozita nuk ka ditur ta kapitalizojë dhe ta kthejë në favorin e saj. Çështja Tahiri eskpozon rënien e sistemit në Shqipëri. Kemi dy kampe politike të rëna moralisht. Kjo është këmbanë alarmi që dueht të krijojë një forcë të re politike, që i takon ta bëjë opozita. Basha ka qenë i pavërtetë edhe kur ishte në çadër. Duhet të ketë kauzë që të tërheqë qytetarët. Opozita nuk ka kauzë për shkak të Bashës”, tha ai.
Patozi e sheh si të panatyrshëm bashkëpunimin në opozitë mes PD-së dhe LSI-së, pas sulmeve të ndërsjellta vetëm pak muaj më parë, gjatë fushatës elektorale.
“Nuk mund ta bësh në mënyrë mekanike duke bërë një koalicion po kaq të panatyshërm sa lufta që i shpallëm LSI-së gjatë fushatës. Ishte ekzagjerim lufta që u bë jo kundër kundërshtarit të madh, por më të voglit dhe është ekzagjerim tani që përmes këtij bashkimi mekanik kërkohet zgjidhja”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
