Zyra e Prokurorit Special të Koresë së Jugut arrestoi sot ish-Presidentin Yoon Suk-yeol, nën akuzat për pengim të funksioneve të veçanta zyrtare dhe akuza të tjera që lidhen me vendosjen e gjendjes së jashtëzakonshme më 3 dhjetor.
Yoon, fillimisht i arrestuar dhe i akuzuar në janar për drejtimin e një kryengritjeje, u lirua në muajin mars dhe u shkarkua zyrtarisht në fillim të prillit me miratimin e Gjykatës Kushtetuese për procedurat e shkarkimit.
Pas inaugurimit të Presidentit Lee Jae-myung në fillim të qershorit, u emëruan prokurorë të posaçëm dhe nisën një hetim të pavarur nga qeveria në një përpjekje për të rindërtuar ngjarjet e dhjetorit.
Zyra e prokurorit kërkoi një urdhër arresti për Yoon të dielën, duke pretenduar se kishte urdhëruar shërbimet e sigurisë presidenciale që të bllokonin ndalimin e tij që në janar, duke hedhur poshtë disa përpjekje nga policia.
Një gjykatë e Seulit raportoi në mëngjes se lëshoi një urdhër arresti pas marrjes në pyetje të Yoon, duke përmendur rrezikun e shkatërrimit të provave.
Ish-Presidenti, i mohoi akuzat, duke akuzuar hetimin si të rremë dhe të motivuar politikisht.
Mediat e Seulit raportuan se Yoon gjithashtu urdhëroi ushtrinë e vendit të tij të dërgonte dronë në Korenë e Veriut tetorin e kaluar, pjesë e një plani për të provokuar një sulm nga jashtë dhe për të justifikuar vendosjen e ligjit ushtarak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
