PD në negociata për kandidatët/ Pampuri: Nuk ka më “unë jam më i fortë se kam mbështetjen në bazë”, absurdit duhet t’i vij fundi (VIDEO)

A do të dalë e djathta me një emër të vetëm? Kjo është pyetja që edhe përgjatë fundjavës pritet të kishte zgjidhje nga baza në këtë parti.

Për faktin se a ka pasur ose jo negociata në këtë aspekt, deputetja e PD-së, Oriola Pampuri, tha në studion e “MCN live” se bashkimi ende nuk ka ndodhur, teksa takimi ende nuk ka ndodhur.

Opinioni pret zgjidhje, presim një takim mes palëve për të vendosur modalitetet rreth këtij bashkëpunimi që është diskutuar në mbledhje. Unë mendoj se kjo përçarje nuk i përket elektoratit dhe asaj pjesës gri qe pret një përfaqësues për të cilën do të votoj nesër, pra një model për ta.

Këtu nuk është çështja ku është shumica e pakica që të fitohet një palë zgjedhje duhet të gjithë të bëhen bashkë, e rëndësishme është që të fitohet atëherë si do të behet kjo shumicë me pakice bashkë, duhet ndërtuar disa modalitete, e strategji për të ecur përpara.

Kështu nuk shkohet përpara për të treguar forcën unë jam më i fortë kam mbështetjen më shumë në bazë, ti je më i dobët, ke mbështetje më pak.

Kjo është absurdi, absurdit duhet ti vij fundi.