Presidenti argjentinas Javier Milei, i cili ishte në rreshtin e parë në funeralin e Papa Françeskut, zbuloi se i kishte kërkuar ndjesë kreut të Vatikanit në takimin e tyre të fundit, gjatë të cilit Papa argjentinas u përgjigj se “ishin gabime rinore”.
Prapaskenat e bisedës mes dy bashkatdhetarëve u treguan nga Milei, i cili në një intervistë për gazetën argjentinase Clarin dha detaje të papublikuara në lidhje me takimin e fundit që u zhvillua në Vatikan më 12 shkurt 2024, gjatë një audience private me Papën së bashku me bashkëshorten e tij Karina Milei.
Presidenti ultra-liberal i Argjentinës dhe figura kontroverse ka shprehur keqardhje për kritikat e tij të ashpra ndaj Papës, të cilin ai dikur e quajti “përfaqësuesin e së keqes në tokë” .
Po, sigurisht që i kërkova falje. Dhe ai më tha: “Mos u prek, këto janë gabime rinore”.
Unë mendoj se ishin pak më shumë. Kur jemi të rinj, të gjithë bëjmë marrëzi. Ishte shumë argëtuese të flisja me të.
Momentet ku më duhej të bashkëveproja ishin shumë të këndshme. Ato 70 minuta ishin shumë argëtuese.
Pavarësisht kritikave të vjetra, Presidenti argjentinas e quajti Jorge Bergoglio argjentinasin më të rëndësishëm në histori.
Është një humbje e madhe për argjentinasit, ne bëmë diçka të gabuar për diçka, ai kurrë nuk donte të vinte në Argjentinë.
Humbja e një njeriu është gjithmonë diçka shumë e dhimbshme, është e dhimbshme që është larguar argjentinasi më i rëndësishëm në histori.
Papa Françesku ishte udhëheqësi shpirtëror i rreth 2 miliardë njerëzve dhe është shumë më i madh nga sa mund ta imagjinoni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
