Sipas Departamentit të Shtetit të SHBA-së, një numër i përgjithshëm prej 150 kamionësh ndihmash kanë kaluar përmes kalimit Rafah në Gaza që nga hapja e portës javën e kaluar.
Gjithsej 45 kamionë ndihma kaluan të dielën, më së shumti që nga hapja e portës, shtoi ai.
“Ne synojmë ta kapërcejmë këtë numër sot, nesër dhe më tej”, tha zëdhënësi i Departamentit të Shtetit, Matthew Miller.
Miller tha se SHBA-ja do të “vazhdojë përpjekjet tona të pandërprera diplomatike në partneritet me Izraelin, Egjiptin, Kombet e Bashkuara dhe partnerët ndërkombëtarë humanitar” për të rritur “shpërndarjet ditore të ushqimit, ujit dhe furnizimeve mjekësore në Gaza”.
Para 7 tetorit, 450 kamionë shkonin në Gaza çdo ditë, tha Lynn Hastings, koordinatorja humanitare e OKB-së për territorin e pushtuar palestinez, në një konferencë shtypi javën e kaluar.
Ajo tha se kamionët po përballeshin me vonesa për shkak të kontrollit, çështjeve teknike, të sigurisë dhe politike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
