Organizata Ndërkombëtare për Migracionin njoftoi të dielën më shumë se 670 viktima nga një rrëshqitje masive dheu në Papua Guinenë e Re, pasi ekipet e ndihmës së shpejtë hoqën dorë nga shpresat se do të gjendet ndonjë i mbijetuar.
Serhan Aktoprak, shefi i misionit të agjencisë së migracionit të OKB-së në vendin ishullor të Paqësorit Jugor, tha se numri i viktimave bazohej në llogaritjet e fshatit Yambali dhe zyrtarëve provincialë Enga se më shumë se 150 shtëpi ishin groposur nga rrëshqitja e ndodhur të premten.
Vlerësimi i mëparshëm ishte 60 shtëpi dhe zyrtarët lokalë fillimisht thanë se numri i të vdekurve ishte më shumë se 100.
Rreth 250 shtëpi të tjera janë dëmtuar që nga rrëshqitja e dheut për shkak të terrenit që ende lëviz, duke lënë rreth 1250 persona të pastrehë.
Papua Guinea e Re është një komb i larmishëm në zhvillim, me 800 gjuhë dhe 10 milionë njerëz, të cilët janë kryesisht fermerë në kufijtë e ekzistencës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
