Një pjesë e madhe e bitcoin-eve të lançuara ndër vite kanë humbur. Sipas vlerësimeve të Chainalysis, rreth një e pesta e 18.5 milion bitcoin-eve të nxjerra nga viti 2009 deri më sot janë në kuleta të “vdekura”, në të cilat askush nuk mund të ketë akses.
Një nga këto portofole është ai i programuesit gjerman, Stefan Thomas, një nga themeluesit e një kriptomonedhe tjetër, Ripple, dhe më pas themeluesi dhe CEO i Coil, një kompani me bazë në San Francisko, që ndihmon krijuesit e përmbajtjes në internet që të fitojnë para nga biznesi i tyre. Thomas i tha New York Times se një vit më parë ai humbi fletën në të cilën kishte shkruar fjalëkalimin e potofolit të tij dixhital, i cili përmban 7 002 bitcoin.
Me çmimet aktuale, kriptovalutat e Thomas do të vlejnë më shumë se 220 milion dollarë. IronKey u jep përdoruesve 10 shanse për të futur fjalëkalimin, por në gabimin e dhjetë ai fshin përmbajtjen njëherë e përgjithmonë.
Thomas është përpjekur të futë disa nga fjalëkalimet e tij më të përdorura, por ai kishte bërë 8 gabime dhe i lejohet të gabojë vetëm një herë. Tani ai e ka fshehur çelësin në një vend të sigurt, me shpresën se në të ardhmen dikush mund ta ndihmojë atë të rikuperojë fjalëkalimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
