Një person ka humbur jetën dhe një tjetër ka mbetur i plagosur si pasojë e një aksidenti të ndodhur në orët e vona të mbrëmjes së kaluar në aksin rrugor Korçë-Pogradec.
Automjeti tip “BMW”, me drejtues Aurel Çipin, është përplasur me automjetin tip “Audi” me drejtues shtetasin K. L.
Si pasojë e përplasjes ka ndërruar jetë drejtuesi i “BMW”, Aurel Çipi, dhe ka ngelur i dëmtuar drejtuesi i automjetit tip “Audi”, i cili po merr ndihmë mjekësore në spital.
Mësohet se përplasja ka qenë shumë e fortë dhe Çipi mbeti i bllokuar në mjet, ku u desh ndërhyrja e shërbimit zjarrfikës për nxjerrjen e trupit të pajetë.
Grupi hetimor ndodhet në vendngjarje dhe po punon për zbardhjen e rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
