Video që MCN sjell më poshtë tregojnë pamje nga ambasada e Iranit në Tiranë, ku shihet qetësi një ditë pas dëbimit të stafit diplomatik.
Nga ambasada janë larguar edhe punonjësit e fundit, të cilët sendet personale i kanë transportuar me dy automjete private.
Ndërkohë pas zbrazjes së godinës forcat speciale kanë marrë kontrollin e ambasadës, duke rrethuar zonën përreth.
Ishte Kryeministri Edi Rama ai që një ditë më parë bëri të ditura rezultatet e hetimit për sulmin kibernetik ndaj AKSHI-t, duke deklaruar se u konkludua se sulmi është koordinuar nga Republika Islamike e Iranit, e cila ka angazhuar katër grupe hakerash.
Për këtë arsye, kreu i qeverisë njoftoi vendimin për ndërprerjen e marrëdhënieve diplomatike me Iranin dhe dëbimin e ambasadori dhe stafit diplomatik nga Tirana.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
