Ish-kryeministri Berisha mbështeti qëndrimin e idenë e deputetit Ben Blushi lidhur me zhvillimet e fundit në Kosovë. Blushi tha se diplomacia jonë duhet ta bëjë të qartë se nëse Kosova ndahet në veri, atëherë pasoja do të ishte bashkimi i Shqipërisë me Kosovën.
Ndërsa Berisha në fjalën e tij në Kuvend u shpreh se ky bashkim do të duhej të përfshinte të gjithë shqiptarët, edhe ata të trevave në vendet e tjera fqinje.
Berisha akuzoi kryeministrin Rama se ka shpërfillur interesat e Kosovës.
“Ai shkoi në Serbi. Edhe unë e kisha ndërmend një vizitë të tillë, por prisja të vinin ata të parët. Rama shkoi në Serbi. Mënyra teatrale, folklorizmi etj. më bëri të kuptoj se po shkelmohen interesat e Kosovës. Vuçiç është kryeministri që Rama ka takuar më shumë veç Papandreut. Çfarë ndodh pas këtyre takimeve? Niset treni”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
