Disidenti rus Alexei Navalny, i cili ishte kundërshtari kryesor politik i Presidentit Vladimir Putin para vdekjes së tij në muajin shkurt, ishte i bindur se ai do të vdiste në burg, sipas kujtimeve të tij pas vdekjes, të cilat do të publikohen më 22 tetor.
New Yorker botoi disa pjesë nga libri, i cili përmban edhe shkrime të marra nga ditari i burgut të Navalny.
“Unë do të kaloj pjesën tjetër të jetës sime në burg dhe do të vdes këtu. Nuk do të jetë askush që të më thotë lamtumirë”, shkroi aktivisti më 22 mars 2022.
Të gjithë përvjetorët do të festohen pa mua. Nuk do t’i shoh kurrë nipërit e mi.
Navalny ishte duke vuajtur një dënim me 19 vjet burg për “ekstremizëm” në një koloni penale të Arktikut. Vdekja e tij ndodhi më 16 shkurt në moshën 47-vjeçare dhe për të nga shumë njerëz u fajësua Putini.
Navalny u arrestua në janar 2021 pas kthimit të tij në Rusi, pasi pësoi një emergjencë të rëndë shëndetësore nga helmimi në vitin 2020.
“E vetmja gjë nga e cila duhet të kemi frikë është të dorëzojmë atdheun tonë për t’u plaçkitur nga një bandë gënjeshtarësh dhe hajdutësh hipokritët”, lexohet në ditarin e datës 17 janar 2022.
Navalny shkruan edhe për kushtet e tij shëndetësore të lidhura me regjimin e ashpër të burgut dhe grevën e urisë, sipas fragmenteve të mëtejshme të publikuara.
Shkuam në banjë. Nuk duroja dot duke qenë në dush të nxehtë. Më lëshuan këmbët.
Tani është mbrëmje dhe nuk kam më forcë. Thjesht dua të shtrihem dhe për herë të parë ndihem i rënë emocionalisht dhe moralisht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
