Putin betohet për herë të pestë si president i Rusisë

Vladimir Putin bëri betimin si president i Rusisë nr Kushtetutë, në ceremoninë e inaugurimit të tij në Kremlin për mandatin e tij të pestë në detyrë.

Ne nuk e refuzojmë dialogun me shtetet perëndimore. Zgjedhja është e tyre: a synojnë të vazhdojnë përpjekjet për të frenuar zhvillimin e Rusisë, të vazhdojnë politikën e agresionit, presionin e vazhdueshëm ndaj vendit tonë prej vitesh, apo të kërkojnë një rrugë bashkëpunimi dhe paqeje.

“Një bisedë me perëndimin, përfshirë çështjet e sigurisë dhe stabilitetit strategjik, është e mundur. Por jo nga pozicioni i forcës, pa asnjë arrogancë, mendjemadhësi dhe ekskluzivitet personal, por vetëm në kushte të barabarta, duke respektuar interesat e njëri-tjetrit”, tha kreu i Kremlinit.

Putin u bë president për herë të parë në vitin 2000 dhe u rizgjodh në vitin 2004.

Nga viti 2008 deri në vitin 2012, posti i presidentit u mbajt nga Dmitry Medvedev, dhe Putin drejtoi qeverinë.

Në të njëjtën kohë, u bënë ndryshime në Kushtetutë, sipas së cilës presidenti zgjidhet jo për katër vjet, por për gjashtë vjet.

Putin u bë kreu i shtetit për herë të tretë në vitin 2012 dhe u rizgjodh përsëri në 2018.

Ai mori të drejtën për të marrë pjesë në zgjedhjet e vitit 2024 pasi amendamentet kushtetuese u miratuan në një votim mbarëkombëtar në vitin 2020.