Forcat franceze të sigurisë kanë arrestuar mbrëmjen e së shtunës pesë gra në Beziers, në jug të vendit. Sipas “Le Figaro”, njëra prej grave dyshohej për planifikimin e një sulmi të mundshëm terrorist në një vend fetar në Montpellier në Ditën e Pashkëve (në foto katedralja e Montpellier).
Në qendër të hetimit është një grua e re, e identifikuar vetëm 48 orë më parë nga shërbimet e sigurisë.
Gruaja e re "mburrej se po konsultohej me videot e Daesh", saktësuan burimet, duke iu referuar Shtetit Islamik. Nëna dhe tre motrat e saj, njëra prej tyre e mitur, u arrestuan bashkë me të. Gjatë kontrollit në shtëpinë e tyre, në një lagje të varfër të Beziers, u gjetën kimikate dhe një shpatë.
Hetimi vijon në pistën e lidhjeve kriminale terroriste.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
