Tirana ka fituar derbin ndaj Partizanit, falë dy golave të shënuar nga Redon Xhixha.
Ndonëse nga minuta e 37-të, luajtën me 10 lojtarë, pasi Lulaj u ndëshkua me të kuq, skuadra e Shehit ia doli të triumfojë 0-2, në një ndeshje me të vërtetë spektakolare.
Xhixha, ishte padyshim protagonisti kryesor i kësaj sfide. Sulmuesi bardheblu, fillimisht humbi një penallti në minutën e 25-të, e cila u prit nga Rexhepi.
Megjithatë në minutën e 45-të, Xhixha ia doli të zhbllokojë sfidën, duke përfituar nga një pasiguri e Rexhepit në dalje.
Në minutën e 69-të, ishte sërish Xhixha, i cili pas një kundërsulmi vrastar, i lë pas të gjithë dhe shënon të dytin.
Deri në fund, rezultati nuk ndryshoi dhe Tirana ngjitet në vendin e dytë me 11 pikë, 1 më pak se Partizani kryesues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
