Ambasadori rus në Poloni, Sergej Andreev, u sulmua dhe iu hodh bojë kuqe nga disa ukrainas teksa vendoste një kurorë në varrezat e mauzoleumit të ushtarëve sovjetikë në Varshavë në Ditën e Fitores.
Sipas gazetës “Polsatnews”, sulmi ndaj Andreev u pasua nga një përleshje. Ambasadori tha se ishte kenar për Putinin dhe se Dontesku e Luhansku nuk i përkasin Ukrainës.
Jam krenar për presidentin tim. Republika Popullore e Donetskut dhe Republika Popullore e Luhanskut nuk i përkasin Ukrainës.
Sergej Andreev mbërriti në varrezat e ushtarëve sovjetikë në kryeqytetin polak i shoqëruar nga disa diplomatë dhe gruaja e tij. Disa njerëz që ishin mbledhur më herët në varreza i bllokuan rrugën dhe mësohet se kanë përsëritur parulla fyese.
Në këtë moment, raportojnë mediat polake, ata filluan të hidhnin një bojë të kuqe mbi ambasadorin dhe njerëzit që e shoqëronin. Ambasadori nuk mundi të vendoste kurorën në varreza siç do të donte dhe u detyrua të largohej i shoqëruar nga policia lokale pas sulmit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
