Sot në mengjes MCN TV ka komunikuar në kanalin e Homeland Justice - grupi që pretendon se ka depërtuar në sistemet dixhitale publike të Shqipërisë përmes sulmeve te korrikut dhe shtatorit. Dy ditë më parë ata njoftuan shitjen e databazave të plota të AKSHI-t (850 GB) për një sasi në Bitcoin, ekuivalente me rreth 890 euro.
Një hacker shqiptar, i identifikuar me nofkën Crazy M85, na kontaktoi duke na informuar se HomeLand Justice duhet të jetë një skemë mashtrimi, ose në rastin më të mirë dikush tjetër ka marrë identitetin e tyre dhe po mashtron shqiptarët e interesuar për blerjen e databazave të AKSHI-t dhe/ose të TIMS. Hakeri dha provat e komunikimit me HomeLand Justice si dhe provat e pagesës së plotësuar në bitcoin (çdo transaksion në rrjetin bitcoin është i verifikueshëm). Me këto të dhëna në dorë MCN Tv komunikoi në Telegram me HomeLand Justice, të cilët fillimisht kërkuan provat, por pak më vonë e mbyllën komunikimin duke bërë block.
Mbetet e paqartë çka po ndodh, por padyshim ngjarja e mësipërme hedh dyshime nëse me të vërtetë HomeLand Justice disponon të dhënat që deklaron dhe mund të jemi thjesht përpara një rasti banal mashtrimi në Internet (hoax).
MCN TV
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
