Shtetet e Bashkuara e kanë shpallur grupin mercenary rus Wagner si “organizatë kriminale transnacionale”, duke vënë nën presion ushtrinë që ka rekrutuar dhjetëra mijëra të burgosur rusë për të luftuar në Ukrainë.
Zëdhënësi i Sigurisë Kombëtare të Shtëpisë së Bardhë, John Kirby, tha të premten se Wagner, i kontrolluar nga Yevgeny Prigozhin, një biznesmen i afërt me presidentin rus Vladimir Putin, kishte rreth 50,000 luftëtarë në Ukrainë, 80 për qind e tyre të tërhequr nga sistemi i burgjeve të Rusisë.
Wagner "është një organizatë kriminale që po kryen mizori të përhapura dhe abuzime të të drejtave të njeriut", tha Kirby.
“Ne do të punojmë pandërprerë për të identifikuar, penguar, ekspozuar dhe synuar ata që po ndihmojnë Wagner-in,” tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
