Rusia, përmes lëvizjeve që ka bërë së fundmi në kufijtë e saj perëndimorë, mund të “testojë” vendet e NATO-s, tha sot kryeministri finlandez Petteri Orpo nga kryeqyteti i Letonisë ku ndodhet në një vizitë zyrtare.
Ne duhet të përgatitemi mirë kundër çdo lloj kërcënimi nga Rusia.
Ndërkohë gjatë së enjtes, autoritetet estoneze akuzuan rusët për heqjen e një sërë bovash në lumin Narva i cili ndan të dy vendet.
Në fillim të kësaj jave, Ministria ruse e Mbrojtjes paraqiti një draft me ndryshimet e propozuara të kufijve në rajonin e Balltikut, duke nxitur reagimin e Lituanisë dhe Finlandës.
Megjithatë dokumenti është hequr nga faqja e internetit e qeverisë ruse pa shpjegime.
“Duhet të qëndrojmë të qetë dhe të shikojmë me shumë kujdes se çfarë po ndodh realisht. Ndoshta po na testojnë, por ende nuk e dimë. Rusia do të mbetet kërcënimi më i rëndësishëm për sigurinë evropiane ”, tha kryeministri finlandez nga Riga.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
