Andrzej Bargiel ka hyrë në histori si skiatori i parë që ngjitet dhe zbret nga mali Everest pa përdorur bombula oksigjeni. Pas dy dështimesh, skiatori polak ka arritur të futet në librat e rekordeve botërore. Ai është ngjitur në majën më të lartë në tokë, 8,849 metra.
Vetëm ngjitja e majës ishte e lodhshme dhe e vështirë. Nuk kisha kaluar kurrë aq shumë kohë në një lartësi të tillë në jetën time. Ishte një sfidë më vete. Të zbrisja nga Everesti pa oksigjen ishte një ëndërr prej vitesh.
Sipas të dhënave që shkruajnë mediet polake, Bargielit iu deshën rreth 16 orë për t’u ngjitur nëpër të ashtuquajturën “zona e vdekjes”, e cila është në nivelin e 8,000 metrave, ku nivelet e oksigjenit janë shumë të ulëta dhe rrezikojnë jetën e çdo alpinisti. Edhe kryeministri polak Donald Tusk shkroi për këtë rekord se as qielli nuk është limit për polakët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
