Ish-drejtuesi i lartë i Policisë, Mit'hat Havari, i ftuar në emisionin “FactCheck”, duke marrë shkas nga 27 serat me 8 mijë kanabis, të cilat u asgjësuan nga Policia e Shkodrës, tha se shteti shqiptar rëndom ka dështuar të kontrolloj në Shkodër për luftimin e krimit dhe kultivimit të lëndëve narkotike.
Policia e shtetit në Shkodër është inekzistente, kanë informata e di shumë mirë si funksionon, por nuk mund të vendosin rendin.
Shkodra për mendimin tim, kam frikë të shkojnë aty se e hanë plumbin qorr rrugës. Shteti shqiptar meqë kam mundur të kuptoj, nuk ka mundur që krimin në Shkodër ta kontrollojë.
Për ish-drejtuesin e lartë të Policisë, Havari, inspektorët e zonës, janë ata që dinë gjithçka se çfarë bëhet në atë zonë, porse nuk guxojnë të raportojnë se janë në shënjestër për tu ekzekutuar.
Në rastin e Shkodrës, është përgjegjësia direkt e inspektorit të zonës.
Inspektori i zonës duhet të merret në pyetje atje nga strukturat e Policisë së shtetit, nga Shërbimi i Brendshëm, sepse ai e di shumë mirë që atje krimi dhe droga po veprojnë në atë zonë.
Jo vetëm në Shkodër, por në të gjitha zonat e vendit, inspektorët kanë informacione por nuk veprojnë nuk guxojnë ti raportojnë sepse ekzekutohen nga plumbi i krimit dhe shtetit i ngelet vetëm të ngushëllojë më pas për djalin e humbur në krye të detyrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
