Holanda ka shpallur dy ministra izraelitë të ekstremit të djathtë, Bezalel Smotrich dhe Itamar Ben-Gvir, “persona non grata” për nxitje të dhunës nga kolonët dhe thirrje për spastrim etnik në Gaza, raporton media holandeze AD, duke cituar një deklaratë nga Ministri i Jashtëm Caspar Veldkamp.
Ky veprim vjen ndërsa autoritetet holandeze po bëjnë presion që BE të marrë masa më të ashpra kundër Izraelit, thuhet në raport.
“Marrëveshjet me BE-në duhet të respektohen, përndryshe do të duhet të merren masa”, thuhej në një deklaratë të veçantë të botuar nga Veldkamp në X, në lidhje me Marrëveshjen e Asociimit BE-Izrael.
Qeveria holandeze ka mbështetur prej kohësh një rishikim të marrëveshjes tregtare, duke thënë se Izraeli nuk po i përmbahet nenit 2 të saj, i cili e kualifikon "respektin për të drejtat e njeriut dhe parimet demokratike" në "politikën e brendshme dhe ndërkombëtare" si një "element thelbësor" të marrëveshjes.
BE-ja është partneri më i madh tregtar i Izraelit dhe pezullimi i shtyllës tregtare të marrëveshjes do të rivendoste tarifat mbi tregtinë dypalëshe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
