150 punonjëse të një fasonerie në Vlorë kanë dalë në protestë paraditen e kësaj të hënë.
Punonjëset kërkojnë të dinë se çfarë do të ndodhë me punën e tyre dhe pagën pas arrestimit të pronarit të kompanisë ku ato punojnë.
Korrespondenti i MCN Tv, Edi Ruçi tha përmes një lidhje të drejtpërdrejtë me MCN Live se administratori i kësaj kompanie, i cili është shtetas i huaj është arrestuar më 12 prill në kuadër të një hetimi.
Ruçi thotë se ai ka punësuar disa të huaj nga vendet e treta të cilat pas disa ditëve punë në fasoneri kanë dashur të largohen drejt vendet të BE-së.
Po punojmë pa administrator. Po punojmë dhe nuk e dimë nëse do vijë dikush të na japë rrogën, dhe s’kemi bazë materiale. Do kërkojmë të drejtën e pronarit dhe të drejtën tonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
