Seriali i parë televiziv i Harry Potter është gati të nisë xhirimet, me shkrimtaren JK Rowling si producente ekzekutive.
Njoftimi zyrtar erdhi gjatë një konference për shtyp të mbajtur nga Warner Bros.
Drejtuesit e kanë përshkruar projektin si një "përshtatje besnike" të secilit prej shtatë librave të Harry Potter, duke specifikuar se do ta mbajë kompaninë të zënë për 10 vjet. Ende nuk është e qartë nëse synohet që seriali të ketë 10 sezone apo 7 si librat, por që do të dalin në një hark kohor 10-vjeçar.
“Angazhimi i Max për të ruajtur integritetin e librave të mi është i rëndësishëm për mua dhe mezi pres të jem pjesë e këtij adaptimi të ri që do të lejojë një shkallë thellësie dhe detajesh që vetëm një seri televizive e gjatë mund ta realizojë”, tha Rowling.
Kasti I aktorëve është ende sekret. HBO Max rezervon të drejtën ta shpallë në një datë të mëvonshme, por në këtë pikë duket e sigurt se do të shohim aktorë të rinj në rolin e Harrit, Hermiones, Ronit dhe të gjithë personazheve që kemi dashur në libra dhe më pas në filma.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
