Kryetarja e Gjykatës Kushtetuese, Holta Zaçaj është pyetur sot në lidhje me vendimin e institucionit që ajo drejton për mandatin Olta Xhaçkës.
Ajo tha se është e paimagjinueshme në një shtet ligjor që Kuvendi të vendosë në pikëpyetje zbatimin e një vendimi të Gjykatës Kushtetuese.
“Të vësh në pikëpyetje zbatimin e vendimeve të Gjykatës Kushtetuese, është e paimagjinueshme në një shtet ligjor. Duke patur formën e ligjit dhe duke mos patur asnjë ekuivok për të mos u zbatuar, gjykata Kushtetuese nuk ka mekanizma për të kontrolluar zbatueshmërinë e vendimeve”, tha ajo.
Kujtojmë që Kushtetuesja rrëzoi Kuvendin duke pranuar padinë e grupit Alibeaj, duke shpallur si antikushtetues vendimin e socialistëve për mos ta çuar në Gjykatë Kushtetuese legjitimitetin e mandatit të deputetes.
Zaçaj tha ndër të tjera se Gjykata Kushtetuese nuk ka stok çështjesh të prapambetura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
