Presidenti i Republikës, Bujar Nishani ka nisur një lojë nervash me qeverinë pikërisht në momentin kur i është dërguar propozimi për shkarkimin dhe emërimin e dy ministrave të qeverisë.
Kreu i Shtetit, sipas një njoftimi në faqen zyrtare ka firmosur në fillim vetëm shkarkimet e Shkëlqim Canit nga posti i ministrit të Financave dhe Arben Ahmetajt nga posti i ministrit të Zhvillimit Ekonomik dhe Sipërmarrjes.
Por ndryshe nga herët e tjera kur ka dekretuar menjëherë edhe largimet edhe emërimet, të cilat më pas janë çuar në Kuvend, këtë radhë ka vepruar ndryshe.
Për këtë vonesë që është gjithsesi pjesë e kompetencave kushtetuese të qeverisë nuk ka patur ende asnjë koment nga ana e mazhorancës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
