Në një fjalim prekës presidenti amerikan Joe Biden u kërkoi zyrtarisht falje popujve indigjenë të Amerikës, fëmijët e të cilëve u keqtrajtuan në kampe të ngritura enkas nga qeveria amerikane në fillim të shekullit të 19-të.
Ai mbajti një minutë heshtje nga kampi Gila në Arizona për viktimat dhe brezat e mëvonshëm që jetuan me traumat e kësaj tragjedie, ku shumë fëmijë pësuan dhunë fizike, psikologjike dhe seksuale.
Unë kërkoj falje zyrtarisht, si president i Shteteve të Bashkuara, për atë që bëmë Është një nga kapitujt më të tmerrshëm në historinë amerikane. Vuajtjet e shkaktuara do të jenë gjithmonë një turp i madh, një njollë për historinë amerikane.
Sipas një raporti të qeverisë, të paktën 973 fëmijë vdiqën në këto kampe nga fillimi i shekullit të 19-të deri në vitet 1970.
Për më shumë se një shekull, dhjetëra mijëra fëmijë indigjenë, deri në moshën 4 vjeç, u morën nga familjet dhe komunitetet e tyre dhe u vendosën me forcë në konvikte edukimi në pronësi të qeverisë amerikane ose institucioneve fetare.
Disa fëmijë u dërguan në punë të detyruar, disa u birësuan pa pëlqimin e prindërve të tyre biologjikë, disa u lanë të vdisnin dhe u varrosën në varre pa emër. Fëmijët u zhveshën, iu prenë flokët dhe emrat e tyre u zëvendësuan me një numër ose një emër anglez
Biden shtoi se për dekada, ky kapitull i tmerrshëm ishte i fshehur nga librat e historisë. Ai tha se administrata amerikane ka marrë një sërë masash për të mbështetur popujt indigjenë dhe për të përmirësuar marrëdhëniet e tyre me shtetin federal.
Këtë vit edhe peshkopët katolikë njohën zyrtarisht rolin e Kishës Katolike Romake në "traumën" e shkaktuar ndaj njerëzve indigjenë. Në vitin 2021, më shumë se 1000 varre pa emër u gjetën në zonat ku dikur ndodheshin shkollat e konviktit katolik për indigjenët më Kanada.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
