Sulmi në uzinën ushtarake të Gramshit, gjenden fishekë në makinën e rusëve dhe ukrainasit

Detaje të reja janë zbuluar nga sulmi në uzinën ushtarake të Gramshit ku mbetën të plagosur dy ushtarë.

Bëhet me dije se dy rusët dhe ukrainasi që u vunë në pranga pas sulmit të rojeve në Uzinën ushtarake të Gramshit hynë në Shqipëri me një automjet tip ‘Chevrolet Camaro’ brenda të cilit thuhet se jane gjetur dy fishekë model 5.56mm.

Burimet bëjnë me dije se nuk dihet ende origjina e fishekëve pasi nuk i përkasin vendit tonë apo magazinave ushtarake.

33-vjeçarja Svetlana Timofeeva kishte ardhur me avion nga Rinasi, ndërsa Mikhail Zorin, 23-vjeç erdhi nga Kroacia dhe 25-vjecari ukrainas Fiodor Mihailoviç erdhi nga Mali i Zi.