Asnjë lloj monopoli apo dominimi nuk është i përjetshëm dhe Rusia është gati të konkurrojë me Perëndimin, tha presidenti Vladimir Putin para një auditori në Moskë të enjten. Kompanitë ruse janë të gatshme të konkurrojnë, ata kanë nevojë vetëm për ndihmë për promovimin e bizneseve të tyre, tha Putin në forumin "Ide të forta për kohët e reja" , organizuar nga Agjencia për Iniciativa Strategjike (ASI). “Kompanitë dhe ekipet tona janë gati për konkurrencë dhe shumë prej tyre tashmë e kanë dëshmuar këtë. Duke folur për monopolin, kisha parasysh konkurrentët perëndimorë, natyrisht, të cilët kishin siguruar një monopol në shumë sektorë të tregut rus”, tha Putin. Sipas Putin, kompanitë ruse mund të krijojnë praninë e tyre në tregun global hap pas hapi, duke filluar me tregjet e Komonuelthit të Shteteve të Pavarura, Organizatës së Bashkëpunimit të Shangait dhe vendeve BRICS. Bota nuk është shembur për shkak të sanksioneve, sipas presidentit. Kufizimet e vendosura ndaj Moskës nga Perëndimi kanë hapur fusha të reja zhvillimi për kompanitë ruse, shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
