Që kur talebanët morën kontrollin e Afganistanit në verën e vitit 2021, ka pasur një rritje shqetësuese të numrit të grave që janë vetëvrarë ose kanë kanë tentuar të vetëvriten.
The Guardian shkruan se ky përfundim është arritur nga të dhënat e mbledhura nga spitalet publike dhe klinikat e shëndetit mendor në një të tretën e provincave të vendit.
Autoritetet talebane nuk kanë publikuar asnjëherë shifra të vetëvrasjeve dhe kanë penguar punonjësit e shëndetësisë të ndajnë statistika të përditësuara nëpër provinca të shumta, thanë mjekët.
Punonjësit e kujdesit shëndetësor kanë rënë dakord të ndajnë privatisht të dhënat e mbledhura nga gushti 2021 deri në gusht 2022 për të nxjerrë në pah një krizë urgjente të shëndetit publik.
Të dhënat sugjerojnë se Afganistani është bërë një nga vendet e pakta në botë ku më shumë gra sesa burra vdesin nga vetëvrasja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
