Bashkëshorti i ministres së Kulturës, Elva Margariti, është ndarë nga jeta në moshën 49-vjeçare. Sipas burimeve nga Ministria e Kulturës, bashkëshorti i ministres, Artan Asllani, humbi betejën me një sëmundje të rëndë, prej të cilës vuante prej vitesh.
Homazhet, para se i ndjeri të përcillet për në banesën e fundit, do të mbahen nesër në orën 09:00.
Elva Margariti, e cila u bë pjesë e kabinetit qeveritar në dhjetor të 2018-s, e ka mbajtur jetën e saj private larg vëmendjes së publikut. Bashkëshorti i saj i ndjerë, aksioner i një kompanie dekorimesh, nuk është parë në krah Margaritit për ta shoqëruar në eventet e organizuara nga Ministria që ajo drejton. Ata kanë një vajzë 10 vjeçe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
