1638 raste të reja me koronavirus janë shënuar ditën e sotme në Itali. Një numër që mbetet ende shqetësues, por që është në rënie që pas masave ekstra të ndërmara nga qeveria italiane. Aq më shumë kur për këto raste janë bërë mbi 100 mijë tamponë.
Ndërkohë fatkeqësisht në 24 orët e fundit për shkak të COVID-19 kanë ndërruar jetë 24 persona, duke e çuar numrin total të të vdekurve në 35692. Sakaq numri i përgjithshëm i të prekurve nga pandemia e COVID-19 ka shkuar në 296569 individë.
Italia në muajin e parë të pandëmisë ka qenë shteti më i prekur në Europë nga koronavirusi, por me kalimin e kohës arriti ta merrte veten dhe të vendoste situatën në kontroll.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
