Kapet grupi i hajdutëve, vidhnin banesa në Tiranë (VIDEO)

Katër persona janë arrestuar nga policia e Tiranës për një seri vjedhjesh të kryer në Tiranë në 6 muajt e fundit.

Specialistët për Hetimin e Krimit në Komisariatin nr.5 Tiranë, kanë bërë të mundur zbardhjen dhe dokumentimin me prova ligjore të autorësisë për 6 raste të vjedhjes së banesave dhe të pronës, raste këto të ndodhura muajt e fundit.

Janë arrestuar: Sehad Docci, 22 vjeç, banues në Kamëz - Tiranë ( në momentin e ndalimit iu gjet dhe sekuestrua një sasi e vogël lënde e dyshuar narkotike e llojit Cannabis Sativa). Albion Shehu, 35 vjeç, banues në Kodër Kamëz - Tiranë. - Fatmir Zyberi, 42 vjeç, banues në Bathore - Tiranë. Gjithashtu në bashkëpunim me Komisariatin e Policisë nr 3 Tiranë, më datën 06.11.2017, është bërë arrestimi në flagrancë i shtetasit: - Vasil Aruci, 33 vjeç, banues në Kamëz – Tiranë, pasi u kap në flagrancë me një sasi lënde narkotike.

Personat e lartpërmendur u ndaluan pasi, në bashkepunim me njeri - tjetrin kanë vjedhur banesat e personave Xh. Sh., dhe S.N., banues në Bathore, ku kanë vjedhur, një televizor, një shumë lekësh, vegla buqësore dhe ndërtimi.

Vjedhje të tjera për të cilat ata dyshohen

• Te ngjarjes së ndodhur me datë 07.07.2017 , ku kanë vjedhur servisin në pronësi të shtetasit B.O. , në Kamez .

• Te ngjarjes së ndodhur me date 15.09.2017 ku kanë vjedhur banesen në pronësi të shtetasit Q. D. , , në Paskuqan Nr. 1 .

• Të ngjarjes , së ndodhur me datë 26.09.2017 ku kanë vjedhur një bateri duke këputur kabllot e kabinës ne pronesi te një kompanie celulare ne Bathore.

• Të ngjarjes , ndodhur me datë 24.10.2017, ku kanë vjedhur banesen në pronesi të shtetasit A. P, në Bathore.

Në cilësinë e provës materiale janë sekuestruar një pjesë e sendeve të vjedhura ku vijon puna per gjetjen dhe sekuestrimin edhe të sendeve të tjera te vjedhura në keto objekte.