Gjermani, 98-vjeçari që shërbeu si roje për nazistët akuzohet se ka ndihmuar në vrasjen e mijëra të burgosurve

Një burrë që shërbeu si roje në kampin e përqendrimit “Sachsenhausen” në vitet 1943-1945 është akuzuar për vrasje.

Gregor F, 98 vjeç është shtetas gjerman me banim në qarkun Main-Kinzig, pranë Frankfurtit.

98-vjeçari akuzohet se ka mbështetur vrasjen mizore dhe dashakeqe të mijëra të burgosurve.

Mbi Gregor F, i cili në ato vite ishte i mitur rëndojnë shumë se 3,300 akuza për bashkëpunim në vrasje.

Akuza u ngrit në Gjykatën Shtetërore të Hanau. Prokurorët thanë se një raport nga një ekspert psikiatrik tetorin e kaluar përcaktoi se i dyshuari ishte i aftë për t'u gjykuar, megjithëse me kufizime.

Më shumë se 200,000 njerëz u mbajtën në Sachsenhausen, në veri të Berlinit, midis 1936 dhe 1945.

Dhjetëra mijëra vdiqën nga uria, sëmundjet, puna e detyruar dhe shkaqe të tjera, si dhe nga eksperimentet mjekësore.