Një djalë dhe një vajzë të kapur për dore në mes të një rruge të ngarkuar me trafik. Ajo pa shami, fytyra e saj e zhytur në të tijën në një puthje që po bën revolucion në Iran.
Puthja e Shirazit”, është imazhi i bërë viral në rrjetet sociale dhe që flet për dëshirën për liri të të rinjve iranianë, protagonistët kryesorë të protestave kundër qeverisë në Teheran për vdekjen e Mahsa Amini, 22-vjeçares me origjinë kurde, e cila vdiq dy muaj më parë pasi u arrestua për mosmbajtjen e shamisë.
Sipas asaj që po qarkullon në rrjetet sociale, fotografia autori i së cilës nuk dihet, është bërë mbrëmjen e së martës në një rrugë të frekuentuar në Shiraz, ku njerëzit dolën në rrugë në përgjigje të thirrjeve të aktivistëve për të përkujtuar përvjetorin e më shumë se 1500 personave të vdekur gjatë protestave të 2019-ës, të njohura si “Nëntori i përgjakshëm”.
Fotografia është kthyer tashmë në simbolin e revolucionit në vend, ku edhe një puthje në publik është “kundër moralit” dhe e ndaluar. Një mënyrë për të “festuar jetën”, shkruan dikush në Twitter, ndërsa në Iran vazhdon represioni dhe njerëzit vdesin për të kërkuar liri dhe të drejta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
