Është firmosur zyrtarisht Bordi i Paqes nga 50 shtete, mes tyre edhe Shqipëria dhe Kosova, në një ceremoni të zhvilluar në ambientet e United States Institute of Peace “Donald J. Trump” në Washington, D.C.
Gjatë seancës, kryeministri Edi Rama mbajti fjalën e tij në mbledhjen e Bordit të Paqes, duke theksuar rëndësinë e këtij mekanizmi të ri ndërkombëtar për promovimin e paqes dhe stabilitetit global.
Deputetja e PS-së, Milva Ekonomi, e ftuar në emisionin “Të Paekspozuarit”, renditi tre mesazhet kryesore që, sipas saj, përcolli Rama në fjalimin e tij.
Fjalimi kishte disa mesazhe të rëndësishme. E para thoshte që rrugëtimi i Shqipërisë dhe pjesëmarrja në Bordin e Paqes ishte vendimarrje e arritur mbi bazën e dy partive kryesore. Elementi i dytë kishte të bënte me rolin që duhet të marrë organizata e OKB, faktin që duhet të ribëjë veten, mund të jetë një element i rëndësishëm që Bordi i Paqes mund ta japë një spunto.
E treta, rolin që ka Shqipëria si një vend që eksporton stabilitet dhe paqe. Në Bordin e Paqes, ka të bëjë me vendosjen e paqes. Shqipëria është një vend që ka eksportuar paqe, e ka treguar edhe nëpërmjet disa misioneve ndër vite. Ka qenë drejtuese e OSBE për një periudhë kohe, apo ‘pen holder’ në Këshillin e Sigurimit së bashku me SHBA.
Ishin gjithashtu pjesë e fjalimit të kryeministrit. Nga ana tjetër, fakti që ai e lidhi edhe ardhmërinë e Gaza, me atë që Shqipëria është e gatshme të bëjë me paqen në Gaza, që të ketë mundësi për të një të ardhme më të qetë dhe me prosperitet.
E lidhi paqen në Gaza edhe në pjesën tonë, luftën mes Serbisë dhe Kosovës, ku vetë zoti Trump ka ndërmjetësuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
