Një studim i ri i Universitetit të Çikagos ka zbuluar se puna e fëmijëve në prodhimin global të kakaos është rritur. Kjo rritje ka ardhur edhe nëse merr parasysh premtimet e kompanive ndërkombëtare për të ndaluar përdorimin e kakaos së mbledhur nga fëmijët.
Sipas studimit, i cili u porosit nga Departamenti Amerikan i Punës, më shumë se dy të pestat (43 për qind) e të gjithë fëmijëve të moshës midis pesë dhe 17 vjeç në rajonet ku rritet kakao në Gana dhe Bregun e Fildishtë (prodhuesit më të mëdhenj të kakaos në botë) janë të angazhuar në punë e rrezikshme.
Në total, rreth 1.5 milion fëmijë punojnë në prodhimin e kakaos në të gjithë botën. Gjysma e tyre gjenden vetëm në këto dy kombe të Afrikës Perëndimore. Sipas raportit, puna e tyre përfshin përdorimin e mjeteve të mprehta, punën gjatë natës dhe ekspozimin ndaj produkteve agrokimike.
Përqindja e fëmijëve që punojnë është rritur me 14 për qind në dekadën e fundit, thuhet në raport, ku theksohet se kjo rritje është reflektuar te një ngritje me 62 për qind e prodhimit të kakaos gjatë së njëjtës periudhë.
Sipas Richard Scobey, president i Fondacionit Botëror të Kakaos, raporti tregon se "ka ende shumë fëmijë në bujqësinë e kakaos, të cilët bëjnë punë për të cilën janë shumë të vegjël, ose punë që i ekspozon ata ndaj rreziqeve". Fondacioni përfaqëson kompani që trajtojnë rreth 80 për qind të zinxhirit botëror të furnizimit me kakao.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
