Gjithmonë në formë dhe shumë tërheqëse. Është këngëtarja Eli Fara, mbi të cilën vitet duket se kalojnë pa lënë shenjë. Ajo ka zbuluar sekretin e bukurisë së saj, teksa ishte e ftuar në emisionin e Rudina Magjistarit, përpos projekteve të fundit muzikore.
“Nuk është ndonjë sekret i madh, por vetëm gjithmonë jam në aktivitet. Të qenit gjithmonë në lëvizje, më bën që ta ruaj formën fizike. Por kam edhe një kujdes normal për veten, jo ekstrem” -tha Eli Fara. Një tjetër sekret, sipas saj, është grimi në mëngjes. Sado i lehtë të jetë, ai nuk mungon asnjëherë.
“Gjëja e parë që bëj ҫdo ditë është grimi. Kur mbaron kjo punë, duket sikur të gjitha të tjerat janë të lehta për t’u bërë. Gjithmonë bëj tualet. Një grim ditor më bën të ndihem mirë,” – tha këngëtarja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
