Libani dhe Siria shpallën të hënën tre ditë zie kombëtare për presidentin Ebrahim Raisi dhe ministrin e Jashtëm iranian, të cilët u vranë pas përplasjes së helikopterit gjatë natës pranë kufirit me Azerbajxhanin.
Irani gëzon ndikim në të dy vendet, duke mbështetur grupin e armatosur libanez Hezbollah në Liban dhe duke mbështetur qeverinë e Sirisë dhe forcat e sigurisë që të qëndrojnë në pushtet gjatë më shumë se një dekade lufte.
“Nuk mund t’ju them se sa keq më vjen për këtë aksident që ndodhi. Sidomos që ministri i Jashtëm ishte bërë mik yni”, u tha gazetarëve të hënën ministri i Jashtëm i Libanit, Abdallah Bou Habib.
Presidenti i Sirisë Bashar al-Assad, si dhe zyrtarë të tjerë libanezë dhe Hezbollah, shprehën ngushëllimet e tyre për vdekjet.
Përplasja e helikopterit ndodhi të dielën ndërsa Raisi dhe ministri i Jashtëm, Hossein Amir-Abdollahian po ktheheshin nga një ceremoni për hapjen e një dige në kufirin e Iranit me Azerbajxhanin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
